Әлмәттә сәнгатьле уку буенча шәһәр бәйгесе узды

Бу чараны "Эколидер" бәйгесе кысаларында экология һәм табигатьтән файдалану департаменты оештырды. Анда 23, 34, 45, 54 нче санлы балалар бакчалары һәм коррекция интернат-мәктәбе балалары катнашты. Нәниләрдә янәшәдә яши торган хайваннарга карата җаваплылык хисе тәрбияләү - бәйгенең төп максаты. Бәйге кысаларында шулай ук иясез хайваннар проблемасына игътибар җәлеп итүне күздә тоткан акция дә үтте.