Җәмгыять
Әлмәттә пенсионерлар бассейнга бушлай йөри алачак
Бу карар Өлкәннәр көне алдыннан кабул ителде.
Ветераннар Советы рәисе Василий Самойлов билгеләп узганча, район башлыгы Айрат Хәйруллин һәм "Татнефть" компаниясе генераль директоры Наил Маганов ярдәме белән шәһәребездә яшәүче 200 пенсионер бассейнга бушлай йөри инде. Бәйрәм уңаеннан ясалган бүләк исә барлык өлкәннәргә дә сәламәтлекләрен ныгыту мөмкинлеге бирәчәк. Моның өчен Василий Самойлов барлык пенсионерлар исеменнән рәхмәтен җиткерде.
Бассейн атна саен шимбә көнне 13.00-17.00 сәгатьләрдә өлкәннәр өчен ачык булачак.
Бирегә йөрү өчен эш көннәрендә 8.00-14.00 сәгатьләрдә Гагарин урамы, 20 нче йортка килеп, язылырга кирәк.
Үзегез белән пенсия таныклыгы, табиб раслаган медицина белешмәсе һәм паспорт булырга тиеш.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
