Әлмәттә кем нинди пенсия ала?

Районда 54710 пенсионер исәпләнә, аларның 11309 ы эшләүчеләр. 47381 кеше картлык буенча иминият, 2072 кеше инвалидлык буенча, 1850 кеше туендыручысын югалту уңаеннан пенсия ала. 
5500 сумга кадәр пенсияне 2311 кеше, 10 мең сумга кадәр – 8636, 10001-13000 сумны 13990, 13001-17500 сумны 22643, 17501-20500 сумны 4535, 20501 сумнан артыкны 2595 кеше ала. 
– Пенсияне яшьтән үк кайгыртырга кирәк. Минималь стаж, яки ул булып та тиешле баллар җыелмаса, кешенең 55 һәм 60 яшьтә пенсиягә чыгу хокукы биш елга кичектерелә. Без аларга социаль пенсия билгелибез. Бүген ул 5034 сум тәшкил итә, – диде Пенсия фонды идарәсе начальнигы Фая Якупова.

http://vm.ru