Җәмгыять
Әлмәттә исерек шоферлар аркасында 6 кеше һәлак булган
Шәһәр һәм район территориясендә быелның беренче яртыеллыгында 120 юл-транспорт вакыйгасы булган.
Аларда 19 кешенең гомере өзелгән, 168 кеше тән җәрәхәтләре алган. Узган елның шушы чоры белән чагыштырганда юл-транспорт вакыйгалары һәм анда үлүчеләр саны арта төшкән. Искә төшерәбез: 2013 елның гыйнвар-июнь айларында теркәлгән 112 юл-транспорт вакыйгасында 10 кеше һәлак булган, 197 кеше имгәнгән. Хәмер кулланып руль артына утырган шоферлар гаебе белән 11 авария ясалган һәм аларда 6 кешенең гомере өзелгән.
Следите за самым важным и интересным в Telegram-каналеТатмедиа
Оставляйте реакции
