Җәмгыять
Әлмәтнең бер ЖЭУсында законсыз акча эшләгәннәр
Әлмәт шәһәр прокуратурасы 7 нче ЖЭУда үткәргән тикшерү барышында идарәче компаниянең реклама белән акча эшләвен ачыклаган.
Ягъни идарәче компания йортта яшәүчеләрнең карарыннан башка реклама оешмалары белән торак бина фасадына реклама урнаштыруга килешү төзегән.
Прокуратура тикшерүе нәтиҗәләре буенча «ЖЭУ №7» ҖЧҖ директорына карата административ эш кузгатылган. Суд аңа 5 мең сум штраф салган. Моннан тыш, законсыз юл белән эшләп алынган 98900 сумга торак йортларда электр приборларын алыштыру буенча эшләр башкарылган.
Следите за самым важным и интересным в Telegram-каналеТатмедиа
