Әлмәтлеләр! «Атлы Татарстан» фотобәйгесе сездән эшләр көтә!
Әгәр сезгә 16 яшьтән өстә һәм сез Татарстанда яшисез, шәхси архивыгызда атлар төшерелгән фоторәсемнәр бар икән, рәхәтләнеп бәйгедә катнаша аласыз!
Төп темалар: «Кеше һәм ат»; «Хәрәкәтләнү иреге»; «Ат портреты»; «Ипподром һәм спорт» һәм башкалар. Бер катнашучыдан 3 тән артык фоторәсем кабул ителми. А3 форматыннан да зур булмаган бәйге эшенең оригиналын түбәндәге адреска юлларга: 423450, Әлмәт шәһәре, Заслонов урамы, 20, 402 нче кабинет, фотоконкурс тамгасы белән. Фоторәсемнәр 1 апрельдән 30 майга кадәр кабул ителә. Тамашачылар ошатуы буенча приз иясе «ВКонтакте»да һәм Tatneft-Line корпоратив социаль челтәрендә ачык тавыш бирү юлы белән билгеләнәчәк. Тавыш бирү 31 майдан 8 июньгә кадәр дәвам итәчәк.Җиңүчеләргә дипломнар, кубоклар һәм түбәндәге акчалата бүләкләр каралган: Гран-при - 30 мең сум, I урын - 25 мең сум, II урын - 20 мең сум, III урын - 15 мең сум. Бәйге лауреаты - 10 мең сум. Тамашачылар ошатуы буенча приз - 10 мең сум. Тулырак мәгълүмат алу өчен www.tatneft.ru сайтында «Социаль сәясәт» бүлегендә һәм «ВКонтакте»да «Конкурс ПАО «Татнефть» төркемендә бәйге турындагы Положение белән танышуыгызны сорыйбыз. Белешмәләр өчен телефоннар: +7 987 414 7421, +7(8553) 373 045.
Следите за самым важным и интересным в Telegram-каналеТатмедиа