Җәмгыять
Әлмәткә Украинадан качаклар килү дәвам итә
Бүген Әлмәткә Украинадан 79 кеше килде инде, аларның 23 балалар. Видеоконференция режимында уздырылган чираттагы брифинг алар проблемасына багышланды.
Киңәшмәдә сугыш барган урыннардан килүчеләргә матди ярдәм күрсәтеләчәге хәбәр ителде. Эшләүче кешеләр һәм пенсионерлар өчен ярдәм күләме биш меңнән җиде мең сумга кадәр булачак. Яңа уку елына да санаулы көннәр генә калды. Туган якларын ташлап китәргә мәҗбүр булганнарның балалары безнең мәктәпләрдә укый алачак. Ә менә бакча яшендәге сабыйларга урын электрон чират тәртибендә биреләчәк. Украина кешеләрен эшкә кабул итәргә дә тәкъдим ителде.
Следите за самым важным и интересным в Telegram-каналеТатмедиа