Әлмәт ветераннарын ни борчый? [+ФОТОЛАР]
Бүген район башлыгы Айрат Хәйруллин һәм алтынчы чакырылыш Дәүләт Думасы депутаты Ринат Хәйров "Ветеран" реабилитация үзәгендә булдылар.
![Әлмәт ветераннарын ни борчый? [+ФОТОЛАР]](/resize/shd//images/uploads/news/2017/10/18/1e539ed78fdca8a3390bb78a35359311_XL.jpg)
Алар биредәге проблемалар, үзәкнең эшчәнлеге белән таныштылар. Әлмәттәге "Ветеран" үзәге 24 районга хезмәт күрсәтә. Ярымстанционар һәм стационарда барлыгы 98 койка урнаштырылган. Үткән ел биредә 1195 кеше дәваланган булса, быел инде 600 инвалид сәламәтлекләрен ныгыткан.
Район башлыгы Айрат Хәйруллин өлкәннәрнең һәрдаим игътибар тоеп яшәргә тиешлеген әйтеп, аларны актив яшәргә, шәһәр һәм район чараларында, "Яшел фитнес"та катнашырга чакырды. Форсаттан файдаланып, өлкәннәр сорауларын бирергә ашыкты. Аларны пенсиянең аз булуы, бәяләрнең даими артып торуы борчый иде.
Следите за самым важным и интересным в Telegram-каналеТатмедиа
Оставляйте реакции
