Әлмәт сабантуенда беренче тапкыр кыйммәтле бүләкләр уйнатылды [+ФОТОЛАР]

Лотереяда 23 кыйммәтле бүләк уйнатылды - 5 сок чыгара торган машина, 5 триммер, 5 бензопила, 7 велосипед һәм мотоблок. Бәйрәм азагына чаклы көтәргә түземлеге калучылар бәхетен сынап карый алды. Нәтиҗәдә төп бүләк - мотоблок 4 нче балалар бакчасы тәрбиячесе Гүзәл Кәримовага эләкте. Гүзәл ике бала әнисе, күпсанлы туганнары белән күптән үз йортларын булдырырга теләгән булган. Бу отышны хыял тормышка ашыруга беренче адым ди.