Әлмәт авиамодельчеләренә көч биреп торыйк, дуслар!

Сүз булачак инженерлар турында. Бу минутларда шәһәребезнең 4 нче урта мәктәбе базасында авиамодельләштерү буенча республика ярышлары бара. Анда Татарстанның 13 командасы ярыша. 8-14 яшьлек мәктәп укучылары үз спорт төрендә иң көчлене билгеләү өчен Азнакай, Алексеевск, Нурлат, Яр Чаллы, Лениногорск, Мамадыш, Кукмара, Ютазыдан килгәннәр. Көн дәвамында аларга очу озынлыгы һәм төгәллеге буенча көч сынашырга туры киләчәк. Әлмәтне бу ярышларда "Яшь техниклар станциясе" командасы тәкъдим итә.