Казан аэропортында самолет ашыгыч рәвештә җиргә төшкән

«Татар-информ» мәгълүмат агентлыгына «Казан» халыкара аэропортының матбугат сәркатибе Гадел Гатауллин хәбәр иткәнчә, самолет Төркиягә юнәлгән булган. Җирдән күтәрелеп бераз гына вакыт узгач, очкыч кошлар көтүе белән бәрелешә һәм шунлыктан ашыгыч рәвештә кире җиргә төшәргә мәҗбүр була.

Очкычны экипаж һәм техниклар тикшергән - зыян килгән урыннары табылмаган. Самолет планлаштырган маршрут буенча яңадан оча.