Чит илдә ял итү 17 мең сумга төшәчәк?!

Дөрес, 17 мең сум ул нибары бер атналык бәя һәм бер генә кешегә... Эш шунда ки, чит ил валютасы арту аркасында россиялеләргә чит илләргә юлламалар алу кесәләреннән килмиячәк икән. Бер атнага бер кешегә чит илне күрү уртача 17 мең сумга барып чыгачак. Ә бу узган еллар белән чагыштырганда бик зур бәя.

Алай да россиялеләр быел да чит ил кояшы астында кызынудан баш тартмас дип фаразлый экспертлар. Испания, Греция, Кипр кебек илләр популяр булачак. Таиландка баручылар инде артты. Ә менә Куба, Доминикана һәм Мексикадан баш тартырга туры киләчәк, анда бәяләр котырып үскән. Кыскасы, чит ил кояшы быел күпләргә тәтемәячәк...