Җәмгыять
Бүген Казанда спортның өч төрендә медальләр уйнатылачак
27 июльдә су спорты буенча дөнья чемпионатында катнашучылар суга сикерү, синхрон йөзү һәм ачык суда йөзү категорияләрендә медальләр өчен көрәшәчәкләр, дип хәбәр итә «Тема Казань» сайты.
Ирләр Казанка елгасында 10 км йөзеп үтәчәкләр. Синхрончылар ирекле программада чыгыш ясый. Ә суга сикерүчеләр арасында метрлы трамплиннан һәм 10 метрлы вышкадан сикерү буенча медальләр уйнатыла.
Шуны да искәртәбез: Россия җыелма командасы әлегә турнир таблицасының икенче урынында (ике алтын, берәр көмеш һәм бронза). Кытай - лидер (өч алтын, берәр көмеш һәм бронза). АКШ - өченче урында (ике алтын).
Следите за самым важным и интересным в Telegram-каналеТатмедиа
