Алабугада барлык мәктәпләрне махсус видеокүзәтү системасы белән җиһазларга җыеналар

Мондый җайланма шәһәрнең 4 мәктәбенә куелган инде, дип хәбәр итә "Алабуга нуры" газетасы.
Аны калган 7 мәктәпкә урнаштыру шәһәр бюджетына 2 миллион 250 мең сумга төшәчәк.
- Урнаштыру чыгымнарын шәһәр күтәрә, әмма SMS хәбәр өчен әти-әниләргә түләргә туры киләчәк. Бу хезмәт айга 50 сум, - ди шәһәр башлыгы Геннадий Емельянов.
Алабугада күптән түгел булган куркыныч җинаятьтән зыян күргән кыз укыган 4 нче гимназиядә дә әлеге система урнаштырылган булган. Әмма балаларның әти-әниләре хәбәр җибәреп тору хезмәтеннән баш тарткан булган.

Фото Интернет челтәреннән алынды