М12 трассасын төзегәннән соң Идел яры балыкчылар һәм туристлар өчен ирекле булачак

Мәскәү – Казан тиз йөрешле автомагистраль төзелеше балыкчыларга һәм туристларга Иделгә төшәргә һәм яр буйлап узарга комачауламаячак. Татарстан транспорт һәм юл хуҗалыгы министры Фәрит Хәнифов эшче төркем утырышында бернинди чикләүләр дә булмаячак, дип белдерде.

«Иделнең үзе буенда ирекле үтү күздә тотыла. Проектлаучыларның безгә чираттагы адым ясаулары, хәрәкәт иреген саклап калулары бик мөһим", - дип аңлатты спикер.

Утырышта билгеләп үтелгәнчә, Идел аша күпер елга үзәненең бөтен киңлегендә сваяларда төзеләчәк. Яшел Үзән районында Займище бистәсе янында эшләнгән дамба төзелеше планлаштырылмый.

Проектчы тарафыннан Гребени авылы янында күпер төзү проекты карала, чөнки ул экологиягә зур зыян китерми. 

Бүген Татарстан Республикасы транспорт һәм юл хуҗалыгы министрлыгында Мәскәү – Казан тиз йөрешле автомагистрален төзү мәсьәләләре буенча эшче төркем утырышы узды. Төркем составына Казанның кайбер министрлыклары һәм ведомстволары вәкилләре, шулай ук автомагистраль төзергә мөмкин булган торак пунктларда яшәүчеләр керә.