Ишегалды бәйрәмнәре Әлмәт халкын сөендерүен дәвам итә

Әлмәттә «Безнең ишегалды» республика программасы буенча эшләр тәмамлануга багышланган бәйрәмнәр дәвам итә. Тантаналы чара Бигәш урамындагы 131, 133 һәм 135 нче йортлар ишегалдында узды.

Халык өчен «Татарстанда җәй» проекты кысаларында бәйрәм программасы әзерләнде.

Хәзер бу ишегалды бөтенләй башкача күренә. Монда юл өслеге тулысынча яңартылган, машина йөрү урыны ремонтланган һәм яңа тротуарлар ясалган. Балалар өчен заманча уен мәйданчыгы, ә актив ял яратучылар өчен спорт зонасы булдырылды. Моннан тыш, ишегалдында яңа эскәмияләр, урналар, велопарковкалар һәм келәмнәрне чистарту өчен махсус урыннар барлыкка килде. Шулай ук яңа яктырту баганалары куелды.

Халыкны башкарма комитет җитәкчесе Илнур Равил улы Фәсхетдинов котлады. Ул ишегалдын матур һәм уңайлы итәргә ярдәм итүчеләргә рәхмәт белдерде. Аңа ветераннар Советы Рәисе Владимир Яшанин да кушылды.

Кичәнең кульминациясе иң актив кешеләрне бүләкләү булды. Нәкъ менә алар үзләренең ишегалды чын-чынлап уңайлы һәм матур яшәү урыны булсын өчен үз көчләрен, вакытларын сарыф иткәннәр.

Әтиләре хәзер махсус хәрби операция зонасында булган беренче сыйныф укучыларына кирәкле уку кирәк-яраклары белән мәктәп рюкзаклары тапшыру тантанасы да узды.