Әлмәттә «Безнең ишегалды» – 2026 программасы буенча беренче ишегалдын төзекләндерделәр

Объект Ленин ур., 201 адресы буенча урнашкан. Подряд оешмалары тарафыннан инфраструктураны яңарту буенча комплекслы эшләр башкарылды.

Ишегалдында комплекслы төзекләндерү эшләре башкарылды: урам яктырткычлары алыштырылды, асфальт өслеге яңартылды, яңа эскәмияләр һәм урналар куелды, шулай ук карты көнкүреш калдыкларын җыю өчен заманча контейнер мәйданчыгы җиһазландырылды.

Балалар өчен ком белән капланган ике уен зонасы булдырылды, алар егылуларны йомшарта һәм куркынычсызлыкны тәэмин итә. Яшүсмерләр һәм өлкәннәр өчен турниклар һәм перекладиналар белән спорт мәйданчыгы, шулай ук панна-футбол уйнау өчен аерым зона каралган.

Бүгенге көндә 18 ишегалды территориясендә эшләр алып барыла. 2026 елда капиталь ремонт һәм төзекләндерү планына барлыгы 24 объект кертелгән.

"Булдырылганны саклап калырга һәр кешенең җаваплы мөнәсәбәте генә мөмкинлек бирәчәк. Өлкәннәрне балалар белән уртак милеккә сакчыл караш турында аңлату әңгәмәләре үткәрергә чакырам. Матурлыкны бары тик бергәләп иҗат итеп,исаклаганда гына озак еллар буена уңайлы киңлекләрдә яшәргә мөмкин», — дип мөрәҗәгать итте район башлыгы.