Әлмәтнең перинаталь үзәгендә меңенче бала дөньяга килгән

Әлмәтнең перинаталь үзәгендә меңенче бала дөньяга килгән

Әлмәтнең перинаталь үзәгендә учреждение ачылганнан бирле меңенче бала туган. Бу хакта ТР Әлмәт районы матбугат хезмәте хәбәр итә.

Сабый 18 июньдә Әлмәт район күппрофильле хастаханәсенең узган елның декабрендә эшли башлаган перинаталь үзәгендә дөньяга килде. Меңенче яңа туган сабый 3140 грамм авырлыктагы һәм 54 сантиметр озынлыктагы малай булган.

Баулыда яшәүче 19 яшьлек Виктория гаиләсендә бала беренче бала булды. Әти-әнисе улына Ян дип исем кушкан. Матбугат хезмәтендә билгеләп үтүләренчә, яшь әни Лениногорск музыка-сәнгать педагогика көллиятендә укуын тәмамлый һәм тәрбияче булырга әзерләнә.

Уллары тууы белән әнине Әлмәт районы күппрофильле хастаханәсенең баш табибы Гөлсинә Шәмсиева, баш табибның акушерлык-гинекология ярдәме буенча урынбасары Алексей Эстрин һәм профильле бүлек мөдирләре котлады.

"Бу минем беренче бала табуым, тиз һәм җиңел таптым. Барысы да бик яхшы үтте. Перинаталь үзәк персоналына бик рәхмәтле. Улым тумыштан ук минем белән палатада. Ул әтисенә бик охшаган. Туганнарым һәм якыннарымнан котлаулар кабул итү миңа күп сөенеч китерә", - дип Виктория сүзләрен китерә матбугат хезмәте.

Учреждение мәгълүматлары буенча, ачылу вакытыннан перинаталь үзәктә 528 малай һәм 472 кыз туган. Моннан тыш, биредә сигез пар игезәк дөньяга килгән.