Әлмәттә гражданнар кабул итү булды
Гүзәл Хәбетдинова гражданнарны кабул итте.
Әлмәттә гражданнар кабул итү булды.
6 нчы Чехов бер мандатлы сайлау округы буенча Әлмәт шәһәр Советы депутаты, Әлмәт муниципаль районы башлыгы Гүзәл Хәбетдинова «Спартак» яшүсмерләр клубында үз округы сайлаучыларын кабул итте. Гражданнардан сораштырулар шәһәр тормышының төрле өлкәләренә кагылды.
Мөрәҗәгатьләрнең берсе баскычны ремонтлауга һәм Гагарин урамындагы йортның тышкы ишеген алыштыруга кагылган иде. Халык сүзләренчә, идарәче компания, акча булмауга сылтап, гаризаларга җавап бирми.
Кабул итүдә чүп-чарны вакытында чыгармау, тирә-як территорияләрдә чисталык саклау һәм йорт хайваннарын йөртү культурасы темалары каралды. Чернышевский урамындагы 23 нче йортта яшәүчеләр парковка урыннарыннан максатчан файдаланмауга шикаять белән мөрәҗәгать иткәннәр. Шул ук вакытта алар «Безнең ишегалды» республика программасын гамәлгә ашыру масштабларын билгеләп үттеләр һәм йорт яны территорияләрен төзекләндерү эшенең дәвам итүенә өмет белдерделәр.
Район башлыгы барлык мөрәҗәгатьләрне шәхси контрольгә алды, җаваплы хезмәтләргә аларны җентекләп өйрәнергә һәм хәл итү юлларын табарга кушты.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia