Әлмәттә «Безнең ишегалды» программасын гамәлгә ашыру дәвам итә

Әлмәттә «Безнең ишегалды» программасын гамәлгә ашыру дәвам итә

Әлмәттә ишегалды территорияләрен төзекләндерү эшләре актив дәвам итә. Чираттагы объект — Ленин урамындагы 201нче йорт ишегалды: анда подрядчиклар инде эшләргә кереште.

Хәзер мәйданчыкта яңа балалар зонасы өчен нигез әзерләү, шулай ук юл  эшләре алып барыла. Бер үк вакытта иске урам яктырткычларын сүтәләр.

Проект алты төп эш төрен башкаруны күздә тота: асфальтны яңарту, яктырткыч системасын модернизацияләү, балалар һәм спорт мәйданчыкларын урнаштыру, контейнер зоналарын җиһазлау һәм кече архитектура формаларын монтажлау.

Барлыгы 2026 елда Әлмәт районында «Безнең ишегалды» программасы кысаларында 24 ишегалдын тәртипкә китерү планлаштырыла. Проектны гамәлгә ашыру өчен республика бюджетыннан 486 миллион сумнан артык акча бүленде.