Әлмәттә Max мессенджерында меңнән артык йорт чаты булдырылган

Әлмәттә Max мессенджерында меңнән артык йорт чаты булдырылган

1000нән артык күп фатирлы йорт өчен МАХ мессенджерында рәсми йорт чатлары булдырылган. Бүгенге көндә аларның саны 1041гә җитте, аларда 13 меңнән артык катнашучы бар. 

Чатлар булдыруның төп бурычы-бердәм, якланган һәм рәсми элемтә каналын булдыру, ул яшәүчеләр һәм идарәче оешмалар арасындагы үзара хезмәттәшлек вакытын күп тапкырга кыскартачак. Хәзер агымдагы ремонт, кар җыю һәм уртак милекне карап тоту мәсьәләләре тиз хәл ителә, дип хәбәр итә Әлмат районы башлыгы матбугат хезмәте. Шулай ук чатларда җылылык, су һәм электрны планлы рәвештә сүндерү турында хәбәрләр бастырыла.

"Идарәче компанияләрнең һәм торак милекчеләре ширкәтләренең бурычы-яшәүчеләрне булдырылган чатларга актив тоташтыру һәм аларда конструктив диалог алып бару. Бу милекчеләргә мәгълүмат бирүне җиңеләйтеп кенә калмыйча, йорт белән идарә итүнең үтә күренмәлелеген дә арттырачак", — дип билгеләп үтте шәһәр башкарма комитеты җитәкчесе Илнур Фәсхетдинов. 

Халык өчен үз йортының чатына кушылуның берничә уңайлы ысулы каралган:

"Госуслуги" порталы аша чакыру буенча.
Торак-коммуналь хуҗалык ГИСы аша, «Домовой чат» вкладкасына күчеп.
"Госуслуги" кушымтасында.

Үсеш департаментына MAX мессенджерында 8 (939) 347-81-72 номеры буенча язарга. Хәбәрдә үз адресыңны: урамның исемен һәм йортның номерын күрсәтергә кирәк. 
Официаль рәсми йорт чатына сезне өстәү үтенече белән турыдан-туры үз идарәче компаниясенә мөрәҗәгать итәргә дә мөмкин.