Әлмәт районының Габдрахман авылында үзара салым акчасы ярдәмендә яңа су башнясы барлыкка киләчәк

Габдрахман авылында үзара салым программасы ярдәмендә су белән тәэмин итү буенча этаплы проектны гамәлгә ашыру төгәлләнеп килә. 2024 елда халык су башнясын сатып алу өчен 1,254 млн сум җыйган, ә 2025 елда-аны урнаштыру өчен тагын 1,2 млн сум. Хәзер Җәлил урамында нигез салынып беткән, манараны торбаүткәргечкә тоташтыру эшләре алып барыла. Әлмәт районы башлыгы матбугат хезмәтендә ачыклык кертүләренчә, проектны октябрь ахырына кадәр тәмамлау планлаштырыла. Үзара салым программасы Татарстан рәисе Рөстәм Миңнеханов инициативасы белән гамәлгә ашырыла һәм республика бюджетыннан финанслашуны күздә тота: халык җыйган һәр сумга республика дүрт сум өсти. Агымдагы елда Әлмәт районы бу линия буенча 54,4 млн сум алган. Шул ук вакытта программа җыелган акчаларны нәрсәгә юнәлтергә икәнен халыкка үзләре билгеләргә мөмкинлек бирә, шуның нәтиҗәсендә авыл территорияләрен үстерүнең аеруча актуаль мәсьәләләре хәл ителә.

 

Фото: ӘМР башлыгы матбугат хезмәте