Әлмәт районара күппрофильле хастаханәсе коллективын хөрмәтләделәр

Район башкарма комитеты җитәкчесе Гүзәл Хәбетдинова, коллективны медицина хезмәткәрләре көне белән котлау өчен, Әлмәт районара күп профильле хастаханәдә булды. Ул иң яхшы хезмәткәрләргә бүләкләр тапшырды һәм медицина хезмәткәрләренең халыкның сәламәтлеген тәэмин итүдә мөһим роль уйнавын ассызыклады.

Ел саен биредә 12 мең операция ясала һәм 14 мең пациентка ярдәм күрсәтелә. Әлмәт районара күп профильле хастаханәсе Татарстанның көньяк-көнчыгышындагы 11 районнан 830 меңнән артык кешегә хезмәт күрсәтә һәм төбәкнең 8 медицина оешмасы өчен җаваплы.

Учреждение берничә тапкыр абруйлы сыйфат конкурслары лауреаты булды.

Гүзәл Хәбетдинова медицина хезмәткәрләренә фидакарь хезмәтләре өчен рәхмәт белдерде.

Фото: Әлмәт районы башлыгы матбугат хезмәте