Әлмәт районында үзара салым буенча 64 миллион сум акча җыелган
Бу финанслаштыруны исәпкә алып.
2024 елда үзара салым программасы буенча Әлмәт районында 64 миллион сум акча җыелган. Бу хакта туры эфир вакытында район башлыгы Тимур Нагуманов хәбәр итте.
Сумма финанслашуны исәпкә алып әйтелде. Исегезгә төшерәбез, авыл кешеләре биргән һәр сумга республика дүрт сум өсти. Кайбер торак пунктларда эшләр башланган инде. Кичуй авылында Үзәк һәм Луговая урамнарындагы юлларга капиталь ремонт ясалачак, дип ышандыралар. Нагорныйда суүткәргеч төзелгән. Халык җыелган акчаның өстенлекле юнәлешләрен үзе билгели, дип билгеләп үтелә.
31 октябрьдән районда гражданнар җыелышлары узачак, анда 2025 елда үзара салым акчаларының нинди максатларга тотылачагын хәл итәчәкләр.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа