Әлмәтнең ДСК микрорайонында 20дән артык яктырткыч урнаштырылган

Әлмәт шәһәренең Петр Хузангай урамындагы ДСК микрорайонында  21 яктырткыч куйдылар. Яңа челтәрләрнең гомуми озынлыгы 730 метр тәшкил итә. Эшләр урамнарны яктырту челтәрләрен төзү проекты буенча башкарылган, дип хәбәр итә Әлмәт районы башлыгы матбугат хезмәте.

«Светсервис» инициативасы белән янәшәдәге тыкрыкка тагын алты лампа урнаштырганнар. Эшләр район башлыгы Тимур Нагуманов ярдәме белән башкарылды, моңа 598 мең сум юнәлтелде.

Фото: Әлмәт районы башлыгы матбугат хезмәте