Җәйнең икенче аенда Әлмәттә 165 сабый тууы теркәлде

Яңа туган балаларның 83 е-малай һәм 82 се-кыз, шуларның 3 се - «король»  игезәкләре. Ел башыннан 9 игезәк сабый тууы теркәлгән. Бу айда иң кечкенә баланың минималь авырлыгы-1965 гр тәшкил иткән.,иң авыры – 4650 гр. Иң яшь әнигә-24 яшь, иң өлкәненә – 41 яшь, иң яшь әтигә – 23 яшь, ә иң өлкәненә – 46 яшь.

Ясминә, Мөхәммәд, Мәрьям кебек балалар исемнәре популярлыгын югалтмый. Бу айның сирәк исемнәре-Эра, Әлимә, Алинә, Алена, Ясирә, Айхан, Элиша, Хәмзә, Фатиха, Исхак, Аслан исемнәре.

Никахны теркәүгә күчкәндә, Әлмәт районында 2024 елның июль аенда 116 пар үз гаиләләрен төзегән. Ел башыннан 529 парның никахы теркәлгән.