Әлмәттә кинология комплексы төзелә

«Көнбатыш капкалар» микрорайонында бар куәткә заманча кинология комплексы төзелеше бара.

Булачак комплекс үз эченә ике зонаны - өйрәтү һәм уен зонасын алачак.

Койма куелган инде, асфальт җәюгә һәм терәкләр куюга әзерлек эшләре алып барыла. Алга таба кече архитектура формаларын монтажлауга керешәчәкләр. Район башлыгы Тимур Нагуманов төзелеш барышын шәхсән үзе тикшерде һәм объектның август ахырына әзер булачагын хәбәр итте.

Безнең шәһәрдә мондый комплекс барлыкка килү яңа чаралар уздырырга, яңа гына эшли башлаган кинологларга ярдәм итәргә, профессиональ бергәлекне үстерергә һәм балаларны кинология спортына җәлеп итәргә мөмкинлек бирәчәк. Бу шулай ук күзәтүчесез һәм үз-үзен йөртүче хайваннар белән вәзгыятьне яхшыртырга ярдәм итәчәк.

Тимур Дмитриевич әйтте:

- Мондый комплексның барлыкка килүе-безнең шәһәр өчен зур адым. Ул кинологик спортны үстерергә генә түгел, караучысыз калган хайваннар санын да киметергә мөмкинлек бирәчәк.

Фото: Әлмәт районы башлыгы матбугат хезмәте