Әлмәттә спорт мәйданчыкларын ремонтлауга 7 млн сум акча бүлеп биреләчәк

Әлмәттә җиде спорт мәйданчыгын ремонтлауга 7 млн сум тотылачак. Заказ бирүче-Әлмәт районы башкарма комитеты.

Тиешле тендер дәүләт сатып алулары сайтында урнаштырылган.

Башкаручыга түбәндәге адреслар буенча урнашкан спорт мәйданчыкларын ремонтларга кирәк булачак:

Төзүчеләр пр., 9б;

Совет ур., 153-155;

Бигаш ур., 131;

Ленин ур., 123;

Тынычлык ур., 5;

Сөләйманов ур., 5, 7;

Тельман ур., 51.

Подрядчының бурычларына шәһәрнең спорт мәйданчыкларындагы коймаларны, идән өслеген һәм тышкы яктыртуны өлешчә ремонтлау керәчәк.  Спорт мәйданчыкларын ремонтлау 23 сентябрьгә төгәлләнергә тиеш.