Әлмәттә Хәрби-Диңгез флоты геройларын хөрмәтләделәр

Әлмәттә Бөек Ватан сугышы истәлегенә хәрби бурычын үтәгәндә һәлак булган диңгезчеләр истәлегенә  мемориалга чәчәкләр салу тантанасы булды. Район башлыгы Тимур Нагуманов барлык катнашучыларны бәйрәм белән котлады, бүгенге көндә  Россиянең көчле хәрби-диңгез флотыннан башка мөмкин булмавын ассызыклады. Ул морякларга фидакарь хезмәтләре өчен чын күңелдән рәхмәтен белдерде.

Чарада шулай ук Бөек Ватан сугышы ветераны Анатолий Михайлович Соколов та катнашты. 17 яшендә фронтка алынып, гади эшчедән офицер-морякка кадәр юл үтә һәм Ерак Көнчыгыштагы сугышларда катнаша.

«Бүген безнең янда кадерле ветераныбыз, Бөек Ватан сугышында катнашучы, диңгезчебез булуы аеруча сөендерә. Безнең өчен бу горурлык кына түгел, мондый кешеләрнең тантаналы чарада катнашырга көч табулары чыннан да зур бәхет», — дип билгеләп үтте район башлыгы.

Хәрби-Диңгез Флоты көнен бәйрәм итү кысаларында Советлар Союзы флоты адмиралы Николай Герасимович Кузнецов бюсты ачылды. Адмирал Кузнецов, гражданнар һәм Бөек Ватан сугышларында данлы сугыш юлын үтеп, Советлар Союзының диңгез куәтен үстерүгә һәм ныгытуга бәяләп бетергесез өлеш кертә. Бүген Россия Хәрби-Диңгез Флоты, Ватан мәнфәгатьләрен яклап, үзенең данлы тарихын дәвам итә.