Әлмәт шәһәр күлендәге су нормаларга туры килә

Суны тикшерүнең яңа нәтиҗәләре билгеле булды. Роспотребнадзор микробиологик күрсәткечләр буенча ул нормага туры килә дип хәбәр итә. Су коенуны тыю турындагы хәбәр бер атна элек үк чыккан иде. Хәбәр ителгәнчә, республиканың сигез пляжында су нормага туры килми, алар арасында Әлмәт тә бар. Шуңа да карамастан, шәһәр халкы һәм кунаклары су коенудан баш тартмады.

«Су һәр җирдә пычрак, һәр җирдә су коенырга ярамый. Әгәр дә кеше су коенырга теләсә, аңа барыбер. Белмим, без ел саен су коенабыз,хәлебез яхшы», – дип саный шәһәр пляжына килүче.