Әлмәттә 7 яңа газель тапшырылды

Яңа елга Әлмәткә Татарстан Республикасы Рәисеннән тагын бер кыйммәтле бүләк-шәһәр яны транспорты өчен махсус билгеләнгән 7 яңа Next ГАЗель маркалы микроавтобус бирелде. Бу транспорт районның транспорт системасының ышанычлы бәйләүче өлеше булачак, авыл җирлекләреннән шәһәргә уңайлы килүен тәэмин итәчәк. Әлмәт районы башлыгы Тимур Нагуманов үзенең телеграм-каналында шатлыклы яңалык белән уртаклашты.

"Быел инде  6 НефАЗ тапшырылды, хәзер тантаналы рәвештә 7 Next газелен тапшырабыз. Якын-тирәдәге авылларда яшәүчеләр һәм бөтен районда яшәүчеләр район буйлап уңайлы хәрәкәт итә алсын өчен бик яхшы һәм кирәкле бүләк. Югары комфортлы куркынычсыз машиналар", - дип язган район башлыгы Тимур Нагуманов.