Газ җиһазларына техник хезмәт күрсәтү буенча кабат килешүләр ничек төзелә

Редакциябезгә газ җиһазларына техник хезмәт күрсәтү буенча кабат килешүләр төзү зарурлыгы уңаеннан шалтыратучылар күп булды.

2023 елның 1 сентябреннән РФ законнарының фатир эчендәге/йорт эчендәге газ җиһазларына техник хезмәт күрсәтүгә ки-лешүләр төзүгә карата таләпләре үзгәрде (71-ФЗ, 18.03.2023 ел). Үзгәрешләр буенча күрсәтелгән киле-шүләр газ бүлү оешмасы белән генә төзелә. ТРда мондый оешма булып «Газпром трансгаз Казан» ҖЧҖ тора. Килешүне РФ Төзелеш министрлыгы раслаган типовой форма буенча төзергә кирәк (29.05.2023 елгы 388/пр санлы боерык).

Фатир эчендәге/йорт эчен-дәге газ җиһазларына техник хезмәт күрсәтүгә килешүләрне яңа форма буенча кабат төзү өчен абонент пунктына *шәхесне раслаучы документ күчермәсен (паспорт); газ җиһазлары урнашкан бинага милек хокукын яки аннан файдалану хокукын раслаучы документ күчермәсен; газ җиһазларының техник паспортын (җиһазлар үзгәргән очракта)* тапшырырга кирәк. Моны түбәндәге ысуллар белән, шул исәптән офиска килми-чә башкарырга була: 
- югарыда күрсәтелгән документлар күчермәләрен гариза һәм ризалык язуы белән бергә үзегезнең идарәче компаниягезгә, ТСЖга (ЖК, ЖСК) тапшырып;
- адресыгызны, телефон номерыгызны күрсәтеп, 5 Мб тан артык булмаган күләмдәге документларның скан-күчермәләрен түбән-дәге электрон почта адресы буенча җибәреп: DogAlmet@tattg.gazprom.ru;
- Әлмәт шәһәре, Совет урамы, 188 нче йорт адресы буенча урнашкан абонент пунктына (абонент бүлегенә) китереп.
Бу очракта фатир эчен-дәге/йорт эчендәге газ җиһазларына техник хезмәт күрсәтүгә киле-шүләрне яңарту өчен газлаштырылган бинада теркәлгән кешеләр саны турында белешмә (милекче үзгәрүдән һәм яңа йортларны газлаштырудан кала) бирергә кирәкми.
Документлар җыелмасын (килешүләрне) әзерлә-гәннән соң, безнең хез-мәткәр килешүләргә кул кую өчен уңайлы вакытны ачыклау максатыннан сезнең белән элемтәгә керәчәк.