Әлмәт районында традицион гражданнар җыеннары дәвам итә

Анда Әлмәт шәһәре прокуроры Дамир Яфизов, барлык хезмәт һәм ведомство вәкилләре, депутатлар, авыл җирлегендә яшәүчеләр катнашты.

Ямаши авыл җирлеге башлыгы Анна Андревкина 2022 ел нәтиҗәләре буенча хисап тотты.

Авыл җирлегендә 704 кеше яши, шуларның 138е - балалар, пенсионерлар - 177, калган 384е-эшкә яраклы.

Анна Андревкина сүзләренчә, демографик хәлне анализлаудан чыгып, 2013 елдан башлап, ел саен кимү күзәтелә.

Социаль-икътисадый үсешнең тотрыклылыгына ирешү өчен төп финанс инструменты булган җирлек бюджеты 101% ка үтәлгән. Төп керем-физик затларның җир һәм милек салымы.

Үзенең докладында җирлек башлыгы социаль әһәмияткә ия объектларның бердәм эшен билгеләде. Агымдагы уку елында мәктәптә 113 укучы белем ала, балалар бакчасына 27 бала йөри. 2022 елда мәктәп ашханәсенең азык блогына ремонт ясалган. Ләкин иске канализация системасын яңарту проблемасы кискен тора. Балалар бакчасы өчен тагын бер суыту җиһазы, электрощит мәсьәләсен хәл итәргә кирәк.

Авыл мәдәният йорты да канәгатьләнерлек хәлдә түгел.

- Бина бик зур һәм түбәдән ага. Барлык коммуникацияләр дә бозылган, быел без түбәне «Татнефть» гранты буенча алыштырырга планлаштырабыз, – дип хәбәр итте Анна Андревкина.

Җирлек бюджетыннан 550 мең сум акча кертелгән, калганын – 5 миллион сумга якыны – нефть компаниянең грант программасы буенча өстәләчәк.

Медперсонал белән проблема җирлектә яшәүчеләр арасында тагын бер фикер алышу темасы булды. Кайберләре авылда кабул итүче хәзерге табибка, икенчеләре шәфкать туташы булмауга зарланган. Сорауларга җавап биреп, район үзәк хастаханәсенең баш табибы Вера Головина персонал җитмәү проблемасын билгеләп үтте һәм авылдан үз медицина хезмәткәрен үстереп, проблеманы хәл итү мөмкинлеген ассызыклады.

Җыелышка йомгак ясап, район башлыгы катнашучыларны 2022 елда районның төп күрсәткечләре белән таныштырды. Үзара салым һәм халыкның активлыгы аркасында мөмкин булган конкрет эшләрнең мөһимлеген билгеләде.

- Мәдәният йортын төзекләндерү буенча боз кузгалды. Чыннан да, бюджеттан үз финанслары бирелде, шулай ук «Татнефть» грантын оттылар. Шулай итеп, без этаплап, төрле программаларны җәлеп итеп, әлеге проблеманы хәл итәргә тырышачакбыз, - дип йомгаклады Тимур Нагуманов.

Ул мәдәният йортын җылыту мәсьәләсен җайга салу өчен район хезмәтләренә оператив эшләргә кушты.

Гражданнар җыены авылның актив кешеләрен бүләкләү тантанасы белән тәмамланды.

Фото: Әлмәт муниципаль районы башлыгының матбугат хезмәте