171 эшсез кеше бүген Әлмәт мәшгульлек үзәгендә исәптә тора

Узган ел 4 меңгә якын әлмәтле эш белән тәэмин итү үзәгенә мөрәҗәгать иткән һәм аларның  2 меңнән артыгы белгеч ярдәме белән эш тапкан. Хәзерге вакытта районда машина йөртүчеләр, махсус техника машинистлар һәм башка эшчеләр  аеруча кирәк.

Эшен югалтканнар заманча ысуллардан файдалана ала – эш эзләү өчен онлайн хезмәтләргә мөрәҗәгать итәргә мөмкин. Яисә  мәшгульлек үзәгенә барырга мөмкин. 2022 елда Әлмәт оешмалары, хезмәтләре һәм ведомстволары 1677 вакансия тәкъдим иткән.

"2022 ел ахырына теркәлгән эшсезләр саны 163 кеше тәшкил итте. Теркәлгән эшсезлек дәрәҗәсе  0,15% тәшкил итте", - дип хәбәр итте Әлмәт эшкә урнаштыру бүлегенең әйдәп баручы инспекторы Евгения Быстринина.

 Әлмәт районында хезмәткә яраклылар - 109 800 кеше. Тәкъдим ителгән вакансияләрнең күбесе – 1138 – эшче белгечлекләренә карый.

"2022 елда иң кирәкле вакансияләр автомобиль йөртүчеләр, аеруча җәмәгать транспорты, эре бораулаучы ярдәмчеләре, пешекчеләр, җыештыручылар кебек вакансияләр булды", – дип төгәллек кертте Евгения Быстринина.

Хәзерге вакытта Әлмәт транспорт идарәсе хезмәткәрләргә аеруча зур ихтыяҗ кичерә. Аларның җитмәвен оешма җитәкчелеге генә түгел, ә барыннан да элек шәһәр халкы тоя.

"Безнең коллективта "Д" категорияле машина йөртүчеләрне күрергә телибез. Илдә шундый хәл килеп чыкты ки, ир – атлар үз теләкләре белән китә, машина йөртүчеләр җитми", - дип билгеләп үтте Әлмәт транспорт идарәсенең баш инженеры Вячеслав Сенин.

Әгәр эшкә урнашырга теләүче тиешле квалификациягә ия булмаса, аны ДОСААФка түләүсез укырга җибәрәчәкләр. Бу махсус техника операторларына да кагыла.

Вакантлы эш урыннары ярминкәләре уздырыла.

"Ярминкәләрдә 169 оешма катнашты, эш бирүчеләр тарафыннан 1457 вакансия тәкъдим ителде. Ярминкәләр нәтиҗәләре буенча 127 кеше эшкә җибәрелде һәм эшкә урнашты", – дип билгеләп үтә Әлмәт мәшгульлек үзәгенең эшкә урнаштыру бүлегенең әйдәп баручы инспекторы Евгения Быстринина.

Ә үз эшен күптән башларга теләгән, әмма моны эшләргә курыккан һәм эшсез калган кешеләр өчен дәүләт мәшгульлек үзәге аша беренче бизнесны ачу өчен акча бүлеп бирә ала.

Узган ел 24 эшсез комиссия алдында үз проектларын яклаган һәм аларны гамәлгә ашыру өчен 3,5 миллион сумга якын акча алган.