Ел нәтиҗәләре буенча әлмәтлеләр белән традицион очрашулар уза

Хисап җыелышында микрорайонда яшәүчеләр, Әлмәт муниципаль районы башлыгы урынбасары Марат Гыйрфанов, «СМП-Нефтегаз» АҖ генераль директоры Олег Шабалин, шәһәр Советының депутатлар корпусы, шулай ук шәһәр хезмәтләре вәкилләре катнашты.

10 нчы номерлы территориаль-иҗтимагый үзидарә рәисе Илсөя Зубеирова үз докладында «СМП-Нефтегаз» АҖ баш предприятиесенең башкарылган эшләре һәм агымдагы мәсьәләләрне хәл итүгә керткән өлеше турында сөйләде.

10 нчы номерлы территориаль-иҗтимагый үзидарәнең 1400дән артык шәхси йорт һәм 5 күпфатирлы йортны үз эченә алган эшчәнлеге микрорайон территориясен төзекләндерү, халык белән мәдәни-массакүләм эш оештыруга, халыкның социаль зәгыйфь катламнары турында кайгыртуга һәм тыл хезмәтчәннәренә адреслы ярдәм күрсәтүгә юнәлдерелгән. 4 нче урта мәктәп җитәкчелеге депутат белән даими хезмәттәшлек режимында тора. 2022 елда йөзү бассейнын ремонтлауга һәм мәктәпнең террорчылыкка каршы сакланышын тәэмин итү чараларына шактый акча тотылган.

2022 елда 10нчы территориаль-иҗтимагый үзидарәгә җибәрелгән финанс чараларының гомуми суммасы 1,6 млн сумнан артык тәшкил иткән.

Моннан тыш, 2022 елда республика һәм район бюджеты акчаларына Кольцевая, Завод, Кашаев, Мичурин, Яр буе, Торцевая, Володарский, Космодемьянск, Гончаров урамнарының юл өлешенә асфальт салынган.

Азакта район башлыгы урынбасары Марат Гыйрфанов халыкны шәһәр һәм районның социаль-икътисади үсеш нәтиҗәләре, төзекләндерү буенча башкарылган эшләр белән таныштырды һәм киләчәккә планнар әйтте. Ул шәһәр хезмәтләре эшенә объектив бәя бирү максатында мондый очрашуларның мөһимлеген билгеләп үтте, шулай ук халыкны кызыксындырган сорауларга җавап бирде.

Хисап җыелышы территориаль иҗтимагый җирле үзидарә үсешенә керткән өлешләре өчен вазифаи затларны һәм актив кешеләрне бүләкләү белән тәмамланды.

Фото: Әлмәт районы башлыгы матбугат хезмәте