Әлмәттә шәһәрнең мактаулы кешесе Василий Терентьев вафат булды

Василий Терентьев 1937 елның 13 августында Чиләбе өлкәсенең Кусин районы Магнитка бистәсендә туа. Әлмәткә 50 нче еллар ахырында килә. Шофер булып эшкә урнаша. Шофер ташыган таштан төзелгән йортлар әле дә шәһәрне бизи.

1962 елда Василий Терентьев Әлмәт пассажир автотранспорты җитештерү берләшмәсендә автобус йөртүче булып эшли башлый. 80нче еллар ахырында хезмәт коллективы советы рәисе итеп сайлана. Шул ук вакытта "Хезмәт батырлыгы өчен" медале һәм хезмәт ветераны исемен алган.

Моннан тыш, Терентьев КПСС Үзәк Комитеты, СССР Министрлар Советы, ВЦСПС һәм ВЛКСМ үзәк комитеты мактау грамоталары, РСФСР автотранспорт министрлыгының һәм I дәрәҗә автотранспорт хезмәткәрләре профсоюзларының «юл һәлакәтләреннән башка күпьеллык эшләре өчен» билгесе белән бүләкләнгән. «Әлмәт шәһәренең мактаулы гражданины» исемен 1993 елда ала.

Саубуллашу тантанасы 17 гыйнварда 11.00 сәгатьтә Казан изге ана иконасы соборында узачак, дип хәбәр итә ТР Әлмәт районы башлыгының матбугат хезмәте.