Әлмәттән булган мобилизацияләнүчеләр реабилитация үтә алачак

Өйләренә кайткач, өлешчә мобилизацияләү кысаларында чакырылган әлмәтлеләр гадәти тормышка күнегергә ярдәм  алачак. Бу хакта район башлыгы Тимур Нагуманов хәбәр итте.

Аның сүзләренчә, Әлмәттә, республикадан аермалы буларак, махсус тернәкләндерү үзәкләре һәм шифаханәләр юк, шуңа күрә эшне башка форматта башкарачаклар.

-  Әфган һәм Чечен синдромнары турында сөйләгәннәре ишетелә. Быел мобилизацияләнгән егетләр шулай ук стресс һәм җитди шок кичерәләр һәм аларны өйгә кайткач гадәти тормышка кайтарырга кирәк. Һәрберсе  өчен индивидуаль үсеш трекы төзеләчәк. "Нур " үзәге-бу эшнең төп элементларының берсе булачак. Реабилитациягә гамәлдәге психологлар, психиатрлар консультантлар сыйфатында, социаль хезмәткәрләр җәлеп ителәчәк, - диде Тимур Нагуманов.

Район башлыгы мондый программада илдә булган иң яхшы тәҗрибәләрне кулланачакларын ассызыклады. Моннан тыш, хәзер Әлмәт белгечләре мондый эштә яхшы тәҗрибәсе булган чит ил коллегалары белән киңәшләшә.