Әлмәт районы башлыгы «Казан Экспо»да мобилизацияләнгәннәрнең нинди шартларда яшәвен күрсәтте
Әлмәт районы башлыгы Тимур Нагуманов «Казан Экспо»да мобилизацияләнгән якташлар белән очрашты.
Ул үзенең телеграм-каналында хәзерге вакытта хәрби әзерлек узучы егетләрнең нинди шартларда яшәвен күрсәтте.
"Бүген без хәрби егетләребез янында концерт белән кунакта. Әлмәтлеләр монда бик күп. Бер үк вакытта егетләребезнең ничек урнашканын да карыйбыз. Бу торак булмаган комплекс, монда хәтта көрәш келәмнәре дә бар. Монда ни генә юк", - дип гаҗәпләнде Тимур Нагуманов һәм душ кабиналарын, ашханә зонасын, карточка белән әйбер алып була торган военторгны күрсәтте.
"Менә душлар шулай. Егетләр мондый мөмкинлекне көтмәгән идек, диләр. Туалет та, душлар да чиста", - дип дәвам итте ул видеотчетны.
Район башлыгы мобилизацияләнгәннәрнең яхшы шартларда яшәвен әйтте.
6 ноябрь көнне традиция буенча Әлмәттән Казанга мобилизацияләнгәннәрнең туганнары һәм якыннары өчен автобуслар белән бару оештырылды. Әлмәтлеләр 250 кг чәк-чәк алып бардылар. "Егетләребезгә безнең Әлмәт бавырсакларын алып бардык. Барысына да җитәрлек", - дип өстәде ул.
Аннары зур концерт программасы булды. Хәрбиләр алдында «Мириданс» халык бию ансамбле, балалайкачы Адель Мотыйгуллин, халыкара конкурслар лауреаты Рамил Садриев чыгыш ясады.
Диләрә Умарованың концерт блогы «На зур воздушном шаре», «Ты мое море», «Уфтанма», «Улыбайся» һ.б. хитларыннан торды.
Фото: скриншот
Следите за самым важным и интересным в Telegram-каналеТатмедиа