Әлмәттә гражданнарны кабул итү булды

Әлмәт районы Башкарма комитетында гражданнарны кабул итү булды. Аны Россия Федераль монополиягә каршы хезмәтенең Татарстан идарәсе җитәкчесе урынбасары Алмаз Яфизов Әлмәт районы прокурорының өлкән ярдәмчесе Илнур Сәитов белән берлектә үткәрде.

Монополиягә каршы хезмәт календарь ел дәвамында билгеләнгән эш планы нигезендә атна саен муниципаль районнарга чыгып китә. Мондый сәфәрләрнең максаты-җәмәгать кабул итү бүлмәсе эшен оештыру, гражданнарга хокукый мәгълүмат бирү, чөнки муниципаль территорияләрдә монополиягә каршы хезмәт бүлекчәләре юк. Алар тиешле чаралар үткәрәләр: җитештерү мәйданчыкларында булу, белем бирү учреждениеләрендә ачык дәресләр үткәрү, гражданнарны һәм эшмәкәрләрне кабул итү. Әлмәттә монополиягә каршы хезмәт елга 1-2 тапкыр була.

"Бүгенге көндә Әлмәт районына кисәтүләр юк. Хокук бозулар, аерым алганда, сатып алу процедураларын оештырганда очрый. Әйтик, узган ел идарәче компания сайлаганда безнең игътибарыбыз җәлеп ителде. Районда монополиягә каршы хезмәт эшчәнлегенә караган мәсьәләләрнең оператив рәвештә хәл ителүен билгеләп үтим.  Республикада уздырыла торган сатып алуларга мониторинг даими рәвештә алып барыла. Әлмәт тә искәрмә түгел. Тулаем алганда, вәзгыять турында сөйләгәндә, район хокук бозучылар исемлегендә сирәк очрый".

Кабул итүдә каты коммуналь калдыкларны чыгаруны оештыру һәм кече һәм урта бизнеска кредит бирү хезмәтләрен күрсәтү мәсьәләләре билгеләнде.

Мөрәҗәгатьләр эшкә алынды. Сорауларда күрсәтелгән фактларны өйрәнгәннән һәм анализлаганнан соң гариза бирүчеләргә җаваплар биреләчәк.

Фото: Әлмәт районы башлыгы матбугат хезмәте