Әлмәттә социаль ипотека буенча төзелгән ике йорт ярашлылык турында бәяләмә алды
Яңа йортлар ТР Президенты каршындагы Дәүләт торак фонды инвестицияләре хисабына төзелгән.
Әлмәттә 285 һәм 56 фатирлы ике соципотека йорты ТР Дәүләт төзелешен күзәтү инспекциясе тарафыннан йомгаклау тикшерүен уңышлы узды һәм объектның техник регламентларның, проект документларының таләпләренә туры килүе турында бәяләмә алды.
Яңа фатирларда «Татнефть» хезмәткәрләре яшәячәк. Йортлар Автомобильчеләр, Полевая һәм Герцен урамнары чикләрендә урнашкан.
Тугыз этажлы 285 фатирлы йортта сигез подъезд, фатирларның гомуми мәйданы 19,2 мең квадрат метр тәшкил итә. Биредә 30 бер бүлмәле, 161-ике бүлмәле һәм 94-өч бүлмәле фатирлар урнашкан.
56 фатирлы йорт тугыз катлы, бер подъездлы, фатирларның гомуми мәйданы 3,6 мең квадрат метр тәшкил итә, шуларның сигезе — бер бүлмәле, 32 — ике һәм 16 — өч бүлмәле.
Биредә яшәүчеләр сантехника, газ плитәләре, төтен җибәрү датчиклары, су, газ, электр энергиясе һәм җылылык белән тәэмин итү счетчиклары белән җиһазланган чиста фатирда яши башлаячалар.
Следите за самым важным и интересным в Telegram-каналеТатмедиа