Әлмәттә ике яңа иҗтимагый киңлек барлыкка киләчәк

Әлмәттә ике яңа иҗтимагый киңлек барлыкка киләчәк – Риза Фәхретдин урамында һәм «Көнбатыш капкалар» микрорайонында. Бу хакта йомгаклау матбугат конференциясендә район башлыгы Тимур Нагуманов хәбәр итте.

Объектларны 2022 елда тәмамларга планлаштыралар. Шулай итеп, Фәхретдин урамында спорт, балалар инфраструктурасы һәм ял урыннары булган җәяүлеләр бульвары барлыкка киләчәк. Шундый ук концепция - "Көнбатыш капкалар" микрорайонында төзелә торган скверны да көтә.