Әлмәттә 10 яңа троллейбус сатып алыначак

Әлмәттә автоном 10 яңа троллейбус сатып алырга планлаштыралар. Бу хакта йомгаклау матбугат конференциясендә район башлыгы Тимур Нагуманов хәбәр итте.

"2022 ел дәвамында алар шәһәрдә барлыкка килер дип уйлыйм. Бу бик зур ярдәм, паркны яңартырга кирәк", - диде Тимур Нагуманов.

Бу мәсьәләдә Татарстан Президенты Рөстәм Миңнеханов ярдәм итте, дип ачыклык кертте район башлыгы.