Әлмәттә сайлаулар көненә багышланган бәйрәм уза

Биредә яшь әлмәтлеләр өчен җырлар, биюләр, уеннар һәм мастер-класслар белән программа әзерләнгән. Балалар рәхәтләнеп популяр мультфильм персонажлары костюмнары кигән аниматорлар белән аралашалар, үз куллары белән төрле техникаларда сувенирлар ясыйлар һәм үзләрен стрит-артта сыныйлар.

⠀
Әлмәт районы башлыгы Тимур Нагуманов гаиләсе белән бәйрәмдә катнашты, «Алга бәхеткә» дип махсус мичкәдә язу калдырды. Моннан тыш, алар, күп кенә әлмәтлеләр кебек үк, мәктәп укучылары өчен «Бәхет артыннан йөгерәбез» дигән квестта катнаштылар, алсу һәм яшел беләзекләрен махсус призларга алыштырдылар.
⠀
Нефть шәһәрендә яшәүче меңләгән кеше үз бүләкләрен: рюкзаклар, пеналлар, папкалар яки аяк киеме өчен капчыклар алды. Аларны бирү пункты 17.00 сәгатькә кадәр эшләячәк.

Мәйданда шулай ук 30дан артык җәмәгать туклануы ноктасы бар. Моннан тыш, җирле үзмәшгуль осталардан уникаль кул эшләре куелган киштәләр ачылды.
⠀
Әлмәттә яшәүче Светлана Устюжина кызы белән бәйрәмгә килгән. Әнисе билгеләп үткәнчә, алар шәһәр бәйрәмнәрендә мастер-классларга һәрвакыт йөриләр. Оештыручылар балалар өчен кызыклы иҗат дәресләрен бирәләр.

Эльмира Мөхәммәтҗанова бу көнне балаларының уңай эмоцияләр алуы өчен шат булуын белдерде. Аның улы Таһир көрәшчеләрнең йомшак киемнәрендә үтә торган кагыйдәләрсез көрәш белән мавыгып киткән:
- Балалар өчен шулкадәр төрле уеннар оештырылуы бик шәп. Һәркем күңеленә хуш килгән шөгыль таба ала.

Моннан тыш, Нефтьчеләр мәйданында бүген 16.30 сәгатьтә башланачак концертка тамашачылар җыела башлады. Алар музыкантларның чыгышларга ничек әзерләнүләрен, ягъни артистларны  эш шартларында күрү һәрвакыт кызык, дип билгеләп үтә.