Әлмәттә робототехника буенча бөтенроссия конкурсы узачак

 3-5 сентябрендә Әлмәттә, Татарстанның нефть башкаласында, инновацияләргә ярдәм фонды, «Татнефть» хәйрия фонды, «ТМС – Групп», «Татбурнефть»  ярдәме белән, авыл мәктәпләре һәм кече шәһәрләр укучылары өчен «АгроНТИ – 2021» бөтенроссия конкурсын уздыру кысаларында робот техникасы буенча «Агрофестиваль»  II Бөтенроссия конкурсы узачак.

 15 июльгә кадәр дистанцион сайлап алу этабы эшләрен башлап җибәрү өчен гаризалар кабул итү булачак.

 25 июльгә кадәр дистанцион сайлап алу этабына йомгак ясалачак.

 6 августка кадәр конкурсның финал этабына чакыру белән хатлар җибәреләчәк. 

Конкурсның финал этабы 3-5 сентябрендә узачак.

Конкурс турында өстәмә мәгълүмат www.agro.almetkvant.ru сайтында.