Казанда җыелган иске чыршыларны кәҗәләргә ашатачаклар

Татарстанда Яңа ел чыршыларын кабул итү пунктлары Казанда һәм Чаллыда ачылачак. Идел буе экология компаниясе чыршыларны 8 гыйнвардан башлап, ай азагына кадәр кабул итәчәк, дип хәбәр итә ТР Урман хуҗалыгы министрлыгы.

Чыршыларны Яңа ел уенчыклары һәм башка бизәгечләрдән яхшылап чистартырга кирәк. Казанда җыелган агачларны фермерларга кәҗәләрне ашатырга бирәчәкләр, ә Чаллыда йомычка ясау һәм мичкә ягу өчен кулланачаклар.