Җәмгыять
30 яшьлек татарстанлы тиз баерга теләгән
Җинаятьче Йошкар-Олада кибетләр челтәре хуҗасының 10 яшьлек кызын урлап, аның өчен 10 миллион сум акча таләп итәргә карар иткән булган.
Татарстанда яшәүче 30 яшьлек бер егет акча эшләү өчен үзенең корбаны итеп Йошкар-Оладан эшмәкәр гаиләсен сайлаган. Аның 10 яшьлек кызын урлап, 10 миллион сум акча эшләргә ниятләгән. Ниятен тормышка ашыру өчен башкаручыны да тапкан булган. Әмма тегесе җинаять ихтималы турында Марий Эл полиция хезмәткәрләренә хәбәр иткән. Кызны куркынычсыз урынга яшереп, гаепләнүчегә аны урлаулары турында хәбәр иткәннәр. Баланың әтисеннән акча алган вакытта ул тоткарланган. Җинаятьчене хөкем карары көтә.
Следите за самым важным и интересным в Telegram-каналеТатмедиа