Мәгариф
Мәктәпкә баруны ике атнага кичектерергә тәкъдим итәләр
Россия Президенты ярдәмчесе уку елы башын 1 сентябрьдән ике атнага кичектерергә тәкъдим иткән.
Игорь Левитин моны бәрхет сезонын төбәкләрдәге туристик агымны озынайту өчен куллану теләге белән аңлаткан.
- Ни өчен мәктәпләргә 1 сентябрьдә барырга? Уку елын 15 сентябрьдән дә башларга була, - дип белдергән Левитин Воронеждагы туризм үсешенә багышланган утырышта.
Аның сүзләренчә, чит илләрдә туристик потенциалны куллану максатыннан беренче кыңгырау 15-20 сентябрьдә генә чыңлый.
Россиядә уку елын 1 сентябрьдә башлау традициясе 1935 елда гамәлгә кертелә. 1984 елдан башлап бу көнне Белем көнен бәйрәм итәләр.
Следите за самым важным и интересным в Telegram-каналеТатмедиа
