Әлмәттә киләчәкне кайгырталар

Программа белән идарә ителүче токарь һәм фрезер станокларында детальләрне эшкәртү һәм CAD/CAM технологияләре буенча әлеге лаборатория комплексы 10 миллион сум тора. Ул республиканың Мәгариф һәм фән министрлыгы акчасына алынган. Заманча җиһаз булачак станокчыларны һәм инженер-конструкторларны өйрәтүдә файдаланылачак. Мәгълүм булганча, узган елның ноябрендә әлеге көллият өчен пневмо һәм гидроавтоматика буенча 4 укыту стенды алынган иде. ел азагына кадәр мехатроника, электр-монтаж, эретеп ябыштыру технологияләре буенча да лабораторияләр сатып алу күздә тотыла.