Әлмәт районының балалар лагерьларында эвакуация буенча күнегүләр уздырдылар

Әлмәт районының балалар лагерьларында эвакуация буенча күнегүләр уздырдылар

«Орленок», «Юность» һәм «Солнечный» балаларны савыктыру лагерьларында Әлмәт районы буенча күзәтчелек эшчәнлеге һәм профилактика эшләре бүлеге хезмәткәрләре 65 һәм 15 нче янгын сүндерү частьләре белән берлектә мөһим профилактика чаралары үткәрделәр. Балалар һәм хезмәткәрләр өчен биналардан эвакуацияләү буенча мәгълүмати әңгәмәләр һәм практик тренировкалар оештырылды.

Әлеге чараларның төп максаты-гадәттән тыш хәлләр килеп чыккан очракта барлык катнашучыларның эш-гамәлләрен җайга салу һәм күнекмәләрне камилләштерү. Тренировкалар барышында тәрбияләнүчеләрнең, тәрбиячеләрнең һәм лагерь администрациясенең тиз һәм куркынычсыз эвакуациягә әзерлеге уңышлы тикшерелде. Барлык гамәлләр дә оешкан төстә һәм билгеләнгән нормативларга туры китереп башкарылды.

Укыту эвакуациясе балаларны савыктыру лагерьларында янгын куркынычсызлыгы системасының мөһим элементларыннан берсе булып тора. Аның төп бурычы – янгын чыкканда учреждениенең балалар һәм персоналның гомерен һәм сәламәтлеген имин һәм оператив эвакуацияләүгә әзерлеген һәрьяклап бәяләү.

Лагерьда куркынычсызлыкны тәэмин итү-ул җентекле эш, превентив чараларны җентекләп планлаштыру һәм даими практик күнегүләр нәтиҗәсе. Өлкәннәрнең һәм балаларның югары әзерлек дәрәҗәсе, шулай ук гамәлләрне төгәл координацияләү теләсә нинди гадәттән тыш хәлләргә нәтиҗәле каршы торырга мөмкинлек бирә, дип хәбәр итә Россия гадәттән тыш хәлләр министрлыгы.

Фото: нейрочелтәр