Әлмәт районында быел ничә бала беренче сыйныфка укырга керә?

Әлмәт районында 1 сентябрьдә беренче тапкыр мәктәпкә өч меңнән артык беренче сыйныф укучысы барачак, дип сөйләде  мәгариф идарәсе башлыгы Ирина Павловская.

- Безнең беренче сыйныфка барлыгы өч меңнән артык бала барачак, 3300 диярлек. Бу узган ел белән чагыштырганда күбрәк. Беренче сыйныф укучылары саны арта бара һәм алдагы елларда 9 сыйныфтан ике мең бала чыгарылачак дип әйтсәк, хәзер бездә 2,5 меңгә якын бала 9 сыйныфны тәмамлаячак, - диде ул.

Тимур Нагуманов билгеләп үткәнчә, бу сан бик зур.

Беренче сыйныф укучыларыннан тыш, мәктәпкә 27 меңгә якын укучы киләчәк. Укытучыларга килгәндә, Әлмәт районында алар  1,5 мең кеше исәпләнә.

Моннан тыш, яңа полилингваль «Адымнар»мәктәбе үз ишекләрен ача. Ул 210 беренче сыйныф укучысын һәм гомумән 800гә якын баланы кабул итә.

Павловская шулай ук коронавирус чикләүләре бетерелүен, әмма тулысынча түгел, шуңа күрә линейкаларга беренче сыйныфта укучы бер бала белән бер  генә ата-ана кертелүен билгеләп үтте. Балаларның ата-аналарына икенче сыйныфтан алып, унберенче сыйныфка кадәр мәктәпкә барудан тыелырга киңәш ителә.